Սաենթոլոգիայի՝ Գիտության եկեղեցու ուսուցիչները արգելել են հայտնի դերասան Թոմ Քրուզին հանդիպել առաջին կնոջ՝ Քեթի Հոլմսի հետ ամուսնությունից ծնված դստեր՝ Սուրիի հետ: Այս մասին գրում է edinstvennaya.ua-ն:
Քեթիի և Թոմի բաժանումից ի վեր Սուրին ապրում է մոր հետ: Լրատվամիջոցների տեղեկացմամբ՝ դերասանը երկու տարուց ավելի է, որ չի շփվում դստեր հետ. աղջիկը գրեթե մոռացել է հորը, որին տեսնում է միայն էկրանին:
Տեղյակ աղբյուրները նշում են, որ Թոմը հրաժարվել է իր միակ դստեր հետ շփումից այն պատճառով, որ Գիտության եկեղեցին հավանություն չի տալիս դրան:
«Նա ընդհանրապես հետաքրքրված չէ Սուրիի կյանքով. Քեթին ամեն ինչ անում է, որ աղջկա համար լավ մայր լինի, սակայն չի կարող փոխարինել հորը»,- ասել է Թոմի ծանոթներից մեկը:
Իր հարցազրույցներում Թոմը հրաժարվում է պատասխանել Սուրիին վերաբերող հարցերին: