ԴԱԻՇ-ի դեմ անհրաժեշտ է անցկացնել ցամաքային գործողություններ, հայտարարել է Մեծ Բրիտանիայի զինված ուժերի Գլխավոր շտաբի նախկին պետ Մայքլ Դևիդ Ջեքսոնը Rossia 24 հեռուստաալիքի եթերում:
«ԴԱԻՇ-ը անողոք ահաբեկչական խմբավորում է, չեմ կարծում, որ հնարավոր է նրանց հետ բանակցություններ վարել: ԴԱԻՇ-ին հաղթելու համար օդից հարվածները բավարար չեն: Ինձ համար ակնհայտ է, որ Արևմուտքը, որտեղ պետք է ընդգրկվի նաև Ռուսաստանը, ՄԱԿ-ի Անվտանգության խորհրդի որոշմամբ պետք է քաղաքական իմպուլս հաղորդի Սիրիայի կարգավորման ընդհանուր ռազմավարությանը»,- ասել է նա:
Ջեքսոնը նաև նշել է, որ թուրքական ռազմաօդային ուժերի կողմից ռուսական ինքնաթիռի խոցումը շատ լուրջ միջադեպ է: «Ես մտածում եմ, որ ներգրավված կողմերը պետք է լինեն շատ զգույշ և թույլ չտան առանց այն էլ լարված իրադրության հետագա սրում»,- նշել է նա և ավելացրել, որ «հողի փոքր կտորը, որտեղ տեղի է ունեցել բախումը, համարվում է վիճելի տարածք: Սիրիայի քարտեզներում այն ցույց է տրված որպես Սիրիայի տարածք: Ռուս օդաչուները կարող է օգտագործած լինեն սիրիական քարտեզ այն դեպքում, երբ թուրքերը համարում են, որ դա իրենց երկրի տարածքն է: Ապագայում այդպիսի բաներից խուսափելու համար կարելի է պայմանավորվել, թե իրոք որտեղով է անցնում սահմանը»,- ասել է Ջեքսոնը: