Բրիտանացի գիտնականները մշակել են կոգնիտիվ վարքագծային թերապիա, որը օգնում է երեխաներին և մեծահասակներին չվախենալ ատամնաբույժի մոտ այցելությունից՝ ասվում է British Dental Journal-ի հոդվածում:
Լոնդոնի Թագավորական քոլեջից Թիմ Նյուտոնը և նրա գործընկերները մշակել են կոգնիտիվ վարքագծային թերապիա և այդ մեթոդը փորձել են մի քանի տասնյակ կամավորների վրա, որոնցից մի մասը սարսափելի վախեցել է ատամնաբույժներից, ատամնաբուժական գործիքից և կաբինետից:
Թերապիայի հիմքում ընկած է վախի պատճառների պարզումը, որը հետագայում հնարավորություն է տալիս կոգնիտիվ վարքագծային թերապիայի սեանսների ժամանակ նպատակային պայքարել այդ ֆոբիայի դեմ:
Համաձայն փորձի տվյալների՝ 5 մասնակիցներից 4-ը ազատվել են ատամները բուժելուց առաջ հանգստացնող դեղեր ընդունելու անհրաժեշտությունից: