Մեքսիկայում ավազակների և իրավապահների փոխհրաձգության հետևանքով զոհվել է 11 մարդ: Այս մասին հայտնում է RIA Novosti-ն:
Տամաուլիպաս նահանգի համակարգման հարցերով խմբի տեղեկացմամբ՝ 3 բախում է տեղի ունեցել Ռիո Բրավո քաղաքում ԱՄՆ-ի հետ սահմանին: Զոհվել են 2 ոստիկան և 5 հանցագործ: Միաժամանակ, ավազակները փակել են քաղաքի մի շարք փողոցներ: Նրանք այդպիսի միջոցների հաճախ են դիմում ոստիկանական կամ բանակային գործողությունից փախչելու համար:
Միաժամանակ հարավային Գերերո նահանգում անհայտ անձինք սպանել են ինքնապաշտպանության ջոկատների 4 անդամների:
Այդպիսի ջոկատներ ստեղծում են տեղի բնակիչները՝ թմրամաֆիայի գործողություններից պաշտպանվելու համար Մեքսիկայի այն շրջաններում, որտեղ թույլ են պաշտոնական ոստիկանության դիրքերը և ուժեղ է հանցավորությունը: