Կանադայի վարչապետ Ջասթին Թրյուդոն ստիպել է Մեծ Բրիտանիայի թագուհի Եղիսաբեթ II-ին իրեն ծեր զգալ: TASS-ի փոխանցմամբ՝ այս մասին թագուհին ուրբաթ օրը կատակով ասել է Մալթայում Ազգերի ընկերակցության գագաթնաժողովին իր ողջույնի խոսքում :
43-ամյա Թրյուդոն հանդիսավոր բանկետի ժամանակ իր անբռնազբոս պահվածքով ներկաներին հիշեցրել է, որ գագաթնաժողովի ամենաերիտասարդ վարչապետն է: Այնուհետև նա դիմել է Եղիսաբեթ II-ին՝ հիշեցնելով, որ նա շատ հաճախ է այցելել Կանադա, այդ թվում՝ Օտավա, որտեղ 1982-ին ստորագրել է Սահմանադրական ակտը՝ Կանադայի Սահմանադրության մի մասը: Կանադայի վարչապետը շարունակելով իր խոսքը՝ ընդգծել է, որ թագուհին «Կանադան ավելի լավ գիտի, քան շատ կանադացիներ»:
«Շնորհակալություն Կանադայի վարչապետին, որ ստիպեց ինձ այսքան ծեր զգալ»,- ժպիտով ասել է Եղիսաբեթ II-ը:
