ԱՄՆ-ը Անկարայի իշխանություններից պահանջում է Սիրիայի հետ Թուրքիայի սահմանին տեղակայել հավելյալ ուժեր, որպեսզի սահմանն այլևս չհատեն ԴԱԻՇ-ի գրոհայինները, որոնք մասնավորապես Եվրոպա են ուղևորվում: Այս մասին ասվում է The Wall Street Jorunal-ում հրապարակված հոդվածում:
Պաշտոնյաների շրջանում ունեցած թերթի աղբյուրների վկայությամբ՝ ԱՄՆ-ը «Թուրքիայի վրա ճնշում է գործադրում, որպեսզի վերջինս հավելյալ մի քանի հազար զինվորական տեղակայի Սիրիայի հետ սահմանի երկայնքով»:
Ըստ Վաշինգտոնի՝ «անհրաժեշտ է փակել սահմանի մոտ 100 կմ-անոց հատվածը, որը ԴԱԻՇ-ն օգտագործում է օտարերկրյա գրոհայիններին աղետի գոտիներ և դրանից դուրս տեղափոխելու համար»: Այդ հատվածը հատելուց հետ ահաբեկիչները հայտնվում են Թուրքիայում, ապա Եվրոպայում:
«Խաղի կանոնները փոխվել են: Բավական է նշանակում է՝ բավական է: Սահմանը պետք է փակել: Գոյություն ունի միջազգային մասշտաբի սպառնալիք, որը ելնում է Սիրիայից և անցնում Թուրքիայի տարածքով»,- թերթը մեջբերում է ԱՄՆ վարչակազմի ներկայացուցչի խոսքերը: