Սիրիայի նախագահ Բաշար Ասադի ռեժիմին Ռուսաստանի օդատիեզերական ուժերից բացի՝ աջակցում են նաև ռուսական ցամաքային զորքերն ու հրետանին։ Այս մասին հայտնել է Der Spiegel-ը։
Պարբերականի տվյալներով՝ Սիրիայում մարտական գործողությունների ընթացքում զոհվել է առնվազն 2 ռուս զինվոր։
Der Spiegel-ը հաստատում է, որ սիրիական հակամարտությանը մասնակցող ՌԴ Գլխավոր հետախուզական վարչության հատուկ նշանակության 22-րդ բրիգադի 2 մարտիկները հուղարկավորվել են նոյեմբերի 12-ին, Դոնի Ռոստովում։ Պարբերականը նշում է, որ ռուսական ԶԼՄ-ները տեղի ունեցածի մասին նույնիսկ չեն հիշատակել։
Գերմանական պարբերականը հայտնել է նաև, որ ավիահարվածներից բացի՝ ռուսական կողմը զբաղվում է նաև սիրիացի զինվորներին «Իլ» ինքնաթիռներով ու «Մի-24» ուղղաթիռներով տեղափոխելով։
Բացի այդ, լրագրողների տվյալներով՝ Ռուսաստանը Սիրիային է տրամադրել «Մստա-Բ» հաուբիցներ։
Նշենք, որ Ռուսաստանը հերքում է ռուս զինվորների մասնակցությունը Սիրիայում ցամաքային գործողություններին։