Տերապոդ դինոզավրերը՝ ինչպես թռչունները, ձվադրում են կատարել բաց երկնքի տակ: Նման եզրակացության են հանգել գիտնականները, որոնց հոդվածը տպագրվել է PloS One ամսագրում:
Կանադացի գիտնականների խումբը հետազոտել է դինոզավրերի 29 տեսակի ձվերի պատիճներ: Գիտնականները դինոզավրերի ձվերը համեմատել են 127 ժամանակակից թռչնատեսակների և կոկորդիլոսների ձվերի հետ: Վերլուծությունը ցույց է տվել, որ այդ սողունների ձվերի պատիճներն ունեն ծակոտկեն կառուցվածք, ինչը վկայում է, որ նրանք ձուն թաղում են հողի տակ: Պատիճների վրա գտնվող մեծ ծակոտիներն անհրաժեշտ են եղել, որպեսզի ձագերը կարողանան ջերմություն ստանալ տաք ավազից, ինչպես նաև՝ թթվածին:
Սակայն տերապոդ տեսակի դինոզավրերի ձվերն ավելի շատ հիշեցրել են ժամանակակից թռչունների ձվերին: Փոքրիկ ծակոտիները վկայում են այն մասին, որ ձվերը ջերմացվել են հենց էգի կողմից: Ուստի գիտնականները եզրակացրել են, որ դինոզավրերի այս խումբը բույնը դրել է մակերևույթին: