Սպիտակ տան տարածք ներթափանցած Կոնեկտիկուտ նահանգի 22-ամյա բնակիչ Ջոզեֆ Կապուտոն մոր և ընկերների համար թողել էր հետմահու գրություններ: Այս մասին հաղորդում է Patch պարբերականը:
«Մահը կյանքի բնական մասն է»,- ասվում է գրության մեջ: Կապուտոն մորը գրել է, որ ողջ չի վերադառնա տուն: Նրա համար նա նաև ձայնագրություն էր նախապատրաստել: ԱՄՆ Վիջինիա նահանգի ընկերներին ուղղված հաղորդագրությունում, որոնց մոտ նա հյուրընկալվել է մեկ շաբաթ, Կապուտոն խնդրել է ոչ ոքի չմեղադրել իր արարքի մեջ:
Հիշեցնենք, որ նոյեմբերի 26-ին՝ Գոհաբանության օրը, գաղտնի ծառայության գործակալները ձերբակալել են Կապուտոյին՝ ամերիկյան դրոշը և թղթապանակ ձեռքին: Նա թռել է դարպասի վրայով և հայտնվել Սպիտակ տան տարածքում:
Հարցաքննության ժամանակ Կապուտոն հայտարարել է, որ սիրում է իր երկիրն ու չէր ծրագրում ողջ մնալ իր արարքից հետո: Նոյեմբերի 27-ին օրինազանցին դատարան են տարել, որտեղ գաղտնի ծառայության երաշխավորությամբ Կապուտոյին ազատ են արձակել՝ պարտադրելով անցնել հոգեբանական փորձաքննություն: Դատական նոր նիստը նշանակված է նոյեմբերի 30-ին:
Նշվում է, որ Ջոզեֆ Կապուտոն մանկուց տառապում է Ասպերհերի համախտանիշով:
