Կանադան Սիրիայից և Իրաքից հետ կկանչի իր ռազմական ավիացիան, սակայն կթողնի օժանդակող և հետախուզական ինքնաթիռները։
«ՊՆ-ում հայտնել են, որ CF-18s կործանիչները հետ կկանչվեն ԱՄՆ-ի գլխավորած ռազմական գործողությունից, իսկ մյուս ինքնաթիռները՝ 2 հետախուզական «Ավրորա»-ները, 2 տրանսպորտային ինքնաթիռներն ու լիցքավորիչ «Պոլարիս» ինքնաթիռը, կշարունակեն կատարել իրենց հանձնարարությունները կոալիցիայի կազմում»,- փոխանցում է СВС News-ը։
Նշվում է, որ միջազգային գործընկերները չեն դիմել Կանադային այդ որոշման փոփոխման մասին հայցով։
Ավելի վաղ վարչապետ Ջասթին Թրյուդոն, ով հաղթել էր Կանադայի ընտրություններում Լիբերալ կուսակցությունից, հաստատել էր երկրի օդուժի ինքնաթիռների մասնակցությունը ԴԱԻՇ-ի դեմ գործողությունում դադարեցնելու մտադրությունը։ Նա պարտավորվել էր մեծացնել իր հրահանգիչների թիվը, ովքեր մարզում են տեղի մարտիկներին։ Ընդդիմությունը քննադատել էր կառավարության նման որոշումն ու կոչ արել շարունակել հարվածներն ահաբեկիչներին։
