Ռուսական RIA Novosti լրատվական գործակալության փոխանցմամբ՝ Չեչնիայի խորհրդարանը ՌԴ Պետդումային ներկայացրել է օրինագիծ, որը նախատեսում է արգելել ահաբեկչական գործունեությանը մասնակից անձանց ազգային կամ կրոնական պատկանելությունը ԶԼՄ-ներում հիշատակելը։
Հաղորդվում է, որ օրենսդրական այդ նախաձեռնությունը մշակվել է երկրի ԶԼՄ-ների միջոցով ահաբեկչական գործունեության քարոզչությանը տեղեկատվական հակազդեցություն ցուցաբերելու համար։
Չեչեն պատգամավորները սխալ են համարում ԴԱԻՇ-ի անդամներին «իսլամական ահաբեկիչ», «իսլամական պետության ներկայացուցիչ» անվանելը, քանի որ դրանք խեղաթյուրում են ԴԱԻՇ-ի էությունը, ով իրականում զբաղված է գազանություններով ու խաղաղ քաղաքացիներին սպանելով, սրբավայրերի ու ճարտարապետական հուշարձանների ավերմամբ։