Ռուսաստանը ռազմական պատասխանի իրավունք ունի` ի պատասխան Թուրքիայի ռազմաօդային հարձակման ռուսական Սու-24 ռմբարկուի վրա: Այս մասին ուրբաթ օրը հայտարարել է Պետդումայի խոսնակ Սերգեյ Նարիշկինը Բուխարեստում` ռումինական Digi24 հեռուստաալիքի հետ հարցազրույցի ժամանակ:
«Դա մեր զինվորների կանխամտածված սպանություն է, և այդ գործողությունը պետք է պատժվի»,- ասել է Նարիշկինը:
«Մենք գիտենք` ով է դա արել, և նրանք պետք է պատիժ կրեն»,- հավելել է քաղաքական գործիչը:
Նարիշկինը վստահեցրել է, որ Սու-24-ի հարձակմանը Ռուսաստանի արձագանքը կհամապատասխանի միջազգային իրավունքին: «Եվ բացի դրանից, Ռուսաստանը նաև ռազմական պատասխանի իրավունք ունի»,- ընդգծել է նա:
