Ռուսական RIA Novosti լրատվական գործակալության փոխանցմամբ՝ թուրքական F-16 կործանիչների կողմից խոցված ռուսական «Սու-24» ռմբակոծիչը 34 րոպե գտնվել է Թուրքիայի ռազմաօդային ուժերի ՌՏԿ-ի հայտնաբերման գոտում։
Այդ մասին լրագրողների հետ զրույցում հայտարարել է Ռուսաստանի օդա-տիեզերական ուժերի գլխավոր հրամանատար, գեներալ-գնդապետ Վիկտոր Բոնդարևը։ Նրա խոսքերով՝ թուրքական F-16 կործանիչը 40 վայրկյան գտնվել է Սիրիայի օդային տիրույթում և առաջ է շարժվել 2 կիլոմետր, իսկ ահա ռուսական ինքնաթիռը չի հատել Թուրքիայի օդային սահմանը։
Բոնդարևն ընդգծել է, որ թուրքական ինքնաթիռի արձակած հրթիռի թռիչքը վկայում է, որ ինքնաթիռը գտնվել է արդեն Սիրիայի օդային տիրույթում։