«Բանանց»-ի նորեկ Զավեն Բադոյանը ակումբի պաշտոնական կայքին տված հարցազրույցում խոսել է այն մասին, թե ինչը հանդիսացավ «Բանանց» տեղափոխվելու գլխավոր պատճառը և պատմել է իր ակնկալիքների մասին:
– Ինչպե՞ս ստացվեց «Բանանց» տեղափոխվելու հնարավորությունը:
– Ինձ շատ հետաքրքրեց այն փոփոխությունների փաստը, որոնք կատարվում են «Բանանց»-ում: Խոսքը գնում է ինչպես մարզչական շտաբի, այնպես էլ ղեկավարության մասին և հենց դա նպաստեց, որ ես որոշում կայացրեցի տեղափոխվել «Բանանց»:
– Արդեն հասցրել եք մի քանի մարզում անցկացնել «Բանանց»-ի հետ: Ինչպիսի՞ն են տպավորությունները:
– Մարզչական շտաբի մասին կարող եմ վստահ ասել, որ նրանք բարձր մակարդակի մարզումներ են անցկացնում: Ինչ վերաբերվում է ֆուտբոլիստներին, ապա դեռևս նրանցից մի քանիսին են ծանոթ և ձմեռային նախապատրաստական փուլի ընթացքում կհասցնեմ ծանոթանալ:
– «Բանանց»-ում մեծ թիվ են կազմում երիտասարդ ֆուտբոլիստները, որոնք կարիք ունեն ավելի փորձառու ֆուտբոլիստների հետ խաղալու: Ինչպե՞ս եք վերաբերվում այդ փաստին:
– Բնականաբար, շատ դժվար է արդյունքներ գրանցել երիտասարդ ֆուտբոլիստներով, իսկ փորձառու ֆուտբոլիստների գալով, կարծում եմ, կբարելավվի թե՛ թիմի ընդհանուր արդյունքները, թե՛ ավելի արագ աճ կգրանցեն երիտասարդները:
– Ի՞նչ նպատակներ եք դրել ինքներդ Ձեր առջև, որոնք պետք է ձգտել լուծել «Բանանց»-ում հանդես գալու ընթացքում:
– Բոլորս էլ գիտենք, որ «Բանանց»-ը հիմա շատ ցածր տեղ է զբաղեցնում մրցաշարային աղյուսակում: Նպատակներից է գավաթը նվաճելը և ինչքան հնարավոր է բարձր տեղ զբաղեցնելը առաջնությունում:
– Իսկ կա՞ն անհատական նպատակներ, որոնց փորձելու եք հասնել «Բանանց»-ում հանդես գալով:
– Անհատական հաջողությունների մասին այս պահին չեմ մտածում և գլխավոր նպատակն է որքան հնարավոր է «Բանանց»-ին օգտակար լինելը: Կարծում եմ, որ եթե հաջող հանդես գաս «Բանանց»-ում, դա չի վրիպի նաև հավաքականի մարզիչների աչքից: