Սահմանադրական բարեփոխումների մասնագիտական հանձնաժողովի անդամ, ԵՊՀ իրավաբանական ֆակուլտետի դեկան Գագիկ Ղազինյանն այսօր Արդարադատության ակադեմիայում կազմակերպված քննարկման ժամանակ ուշագրավ հայտարարություն արեց, որ Հայաստանում միայն իրավական կարգավորումներով հարցեր լուծել անհնարին է։ Հարկավոր է իրավակիրառման խնդիրը լուծել:
Ղազինյանից հետաքրքրվեցինք՝ իր ասածից կարելի՞ է եզրակացնել, որ հնարավոր էր չգնալ սահմանադրական փոփոխությունների և միայն իրավակիրառողների խնդիրը լուծել։
Իրավակիրառողներ պատրաստող Արդարադատության ակադեմիայի ռեկտոր Ռուբեն Մելիքյանը նույնպես ընդունում է, որ մեզանում օրենքի կիրառման խնդիր կա, բայց համակարծիք չէ, որ սահմանադրական բարեփոխումների անհրաժեշտություն չկար։
Քննարկմանը մասնակից, քննչական կոմիտեի նախագահի տեղակալ, նախկինում մարտի 1-ի գործով քննչական խմբի ղեկավար Վահագն Հարությունյանը շատ ոգևորված էր իրականացված փոփոխություններով։ Մասնավորապես, ըստ Հարությունյանի այս նոր սահմանադրությունը տալիս է ավելի արդյունավետ գործիքներ արդարադատություն իրականացնելու համար։
Որպես իրականացված կարևոր փոփոխություն՝ Հարությունյանը առանձնացրեց անձի մերձավոր ազգականների դեմ ցուցմունք չտալու խնդիրը։
Ի դեպ, նշենք, որ 10 տարի առաջ այս օրը տեղի ունեցավ սահմանադրական բարեփոխումների 2005 թվականի հանրաքվեն։