Նոյեմբերի 24-ին տեղի ունեցավ Հայաստանի ֆուտբոլի ազգային հավաքականի երկրպագուների «Առաջին հայկական ճակատ» միավորման հերթական երթը: Նրանք պահանջում էին ՀՖՖ նախագահ Ռուբեն Հայրապետյանի հրաժարականը: Նրանց երեք պահանջները՝ նոր և արտասահմանցի բարձրակարգ մարզիչ հավաքականին, հավաքականի կազմի ընտրության հարցում անձնական վերաբերմունքի բացառում, տոմսերի էժանացում, այդպես էլ մնացին անարձագանք: Սպորտի և երիտասարդության հարցերի նախարար Գաբրիել Ղազարյանից «Առաջին լրատվական»-ը հետաքրքրվեց, թե ինչպես է տեսնում խնդրի լուծումը:
«Պետք է այդ ամենը քննարկել, պետք է ենթարկել անալիզի, մոնիտորինգ անել, հասկանալ տեսնել՝ ով է մեղավորը, և պատժել»,- ասաց նա:
Նախարարը չի կարծում, թե Ռուբեն Հայրապետյանի հրաժարականով խնդրին լուծում կտրվի. «Հրաժարականը միշտ էլ կա, բայց արդյոք գործը առաջ կգնա՞ հրաժարականով. նկատի չունեմ ֆուտբոլի ֆեդերացիան»:
Նա նշեց, որ մեղավորները պետք է պատժվեն, և սպորտում սա այն մոլախոտն է, որը պետք է վերացնեն:
