Ինչպես արդեն հայտնել ենք, «Բարսելոնա»-ի հարձակվող Նեյմարն առաջիկա մեկ ամսվա ընթացքում նոր՝ մինչև 2021 թվականը ժամկետով պայմանագիր կստորագրի կատալոնական ակումբի հետ:
Մեկ մրցաշրջանի ընթացքում բրազիլացի ֆուտբոլիստը 15 մլն եվրո կվաստակի, ինչը նրան ամենաբարձր վարձատրվող երրորդ ֆուտբոլիստը կդարձնի աշխարհում:
Նոր պայմանագրի քննարկման հարցում միակ կետը, որի շուրջ կողմերը դեռ չեն հասել համաձայնության, հրաժարագնի հարցն է: «Բարսելոնա»-ն մտադիր է 1 մլրդ եվրո հրաժարգին սահմանել ֆուտբոլիստի համար, սակայն նրա ներկայացուցիչները համաձայնեն առավելագույնը 250 մլն եվրոյի:
Ընթացիկ մրցաշրջանում «Բարսելոնա»-ի կազմում անցկացրած 16 հանդիպումներում Նեյմարը 14 գոլի հեղինակ է դարձել: