Ադրբեջանական APA լրատվական գործակալության փոխանցմամբ՝ Բաքվում տեղի է ունեցել Թուրքիայի ու Ադրբեջանի արտգործնախարարներ Մևլյութ Չավուշօղլուի ու Էլմար Մամեդյարովի հանդիպումը, ինչից հետո կազմակերպվել է համատեղ մամուլի ասուլիս։
Մամեդյարովը հայտարարել է, որ Չավուշօղլուին իրազեկել է Ղարաբաղյան հակամարտության կարգավորման վերաբերյալ տարվող բանակցային գործընթացի մասին։ Նա ընդգծել է, որ Ռուսաստանի արտգործնախարար Սերգեյ Լավրովը տարածաշրջան կատարած այցի ժամանակ ներկայացրել է Ղարաբաղյան հակամարտության կարգավորման առաջարկներ, առաջարկել է ինտենսիվացնել Հայաստանի ու Ադրբեջանի միջև շփումները:
«Լավրովի առաջարկներն արվել են համանախագահող երկրների անունից։ Համանախագահների վերջին այցի ժամանակ Ադրբեջանում հնչեցվեց նախագահների հանդիպում կազմակերպելու առաջարկ։ Մենք համաձայնել ենք, որ այդ հանդիպումը տեղի ունենա մինչև ընթացիկ տարեվերջ։ Համանախագահներն աշխատում են այդ հարցի շուրջ»։