Ամերիկյան CNN հեռուստաալիքի փոխանցմամբ` Թուրքիայի նախագահ Ռեջեփ Էրդողանը հայտարարել է, որ Թուրքիան ներողություն չի խնդրի նրա համար, որ խոցել է ռուսական Սու-24 մարտական ինքնաթիռը։
«Կարծում եմ, որ եթե որևէ մեկը պետք է ներողություն խնդրի, դա մենք չենք։ Պետք է ներողություն խնդրեն նրանք, ովքեր ներխուժում են մեր օդային տիրույթ»,- ասել է Էրդողանը։ Էրդողանի խոսքերով՝ Թուրքիայի ռազմաօդային ուժերը պարզապես կատարել են իրենց պարտականությունը։
Սրանից առաջ Ռուսաստանի նախագահ Վլադիմիր Պուտինը հայտարարել էր, որ Թուրքիայի բարձրագույն քաղաքական ղեկավարությունից դեռ չեն լսել ներողություն, առաջարկ չեն ստացել պատճառված վնասը փոխհատուցելու մասին, խոստում չեն ստացել այդ հանցանքի համար մեղավորներին պատժելու մասին։