ԼՂՀ ԱԺ պատգամավոր Վահան Բադասյանը գլխավորում էր 2014 թվականին Արցախից Քեսաբ մեկնած հայ կամավորների ջոկատը: Երկու օր առաջ Երևանում վնասազերծված «Հայոց Վահան» կազմակերպության կայքէջին նշվում է, որ նրանք Քեսաբում կամավորական գունդ են ունեցել: lratvakan.am-ը Վահան Բադասյանից փորձել է ճշտել՝ հանդիպել են արդյոք այնտեղ «Հայոց Վահան» կառույցի ներկայացուցիչներին և ինչ տպավորություն են թողել նրա վրա:
Վերջինս նշեց, որ Արթուր վարդանյանի հետ հանդիպել են Բեյրութի կենտրոնում. ««Հայոց Վահան» կառույցի ներկայացուցիչների հետ հանդիպել ենք Բեյրութի կենտրոնում և հինգ րոպե զրույցից հետո հիասթափություն ապրեցինք այդ մարդ կոչվածից, որովհետև նա բառացիորեն մարդ չէր, ծախու տպավորություն թողեց, ահավոր տիպար, ոչ մի ազգային թասիբ»:
Վահան Բադասյանը նաև հայտնում է, որ Արթուր Վարդանյանը վռնդվել է Քեսաբից:
Մանրամասները՝ սկզբնաղբյուր կայքում