Նորք-Մարաշ համայնքի տներից մեկում ԱԱԾ-ի կողմից հայտնաբերված զինված խմբավորման 9 անդամներից մեկը, Hraparak.am-ի տեղեկություններով, Գևորգ Արեգ Ջնդոյանն է: Երիտասարդը 26 տարեկան է, Շիրակի մարզի Փանիկ գյուղից:
Hraparak.am-ի աղբյուրները պատմում են, որ Գևորգ Արեգ Ջնդոյանը ժամանակին հոգևոր գործունեությամբ է զբաղվել, եղել է Իտալիայում կաթոլիկ եկեղեցու սպասավոր: Իսկ այժմ Գևորգ Արեգ Ջնդոյանը բիզնեսներ ունի, ասում են ապահովված երիտասարդ է, հենց այդ եկեղեցին է փող հատկացրել սնկի բիզնեսի համար: Բացի սնկի աճեցման բիզնեսից Գևորգ Արեգ Ջնդոյանը նաև գեղեցկության սրահ ունի: Ընտանեկան կարգավիճակի մասին էլ պատմում են, որ ամուսնացած չէ, ունի մեկ եղբայր: Պատմում են, որ վերջերս նաև փորձել է Վանաձորում բիզնես գործունեությամբ զբաղվել, սակայն հետո ինչ-ինչ պատճառներով տեղափոխել է Արթիկ:
Hraparak.am-ի տեղեկություններով՝ երիտասարդը լրագրողի մասնագիտություն ունի և որոշ ժամանակ աշխատել է որպես լրագրող: Իրեն ճանաչողները բնութագրում են որպես ադեկվատ, հանգիստ բնավորությամբ տղա: Ասում են նաև քաղաքականությամբ առանձնապես չի հետաքրքրվել, միայն վերջերս նկատել են, որ ակցիաների է մասնակցել սահմանադրական փոփոխությունների դեմ:
Մանրամասները՝ սկզբնաղբյուր կայքում