«Չեմ կարծում, որ օդանավը խփվել է Թուրքիայի տարածքում, որովհետև առաջին դեպքը չէ, որ թուրքական հակաօդային պաշտպանությունը սիրիական օդանավեր է խփում Սիրիայի տարածքում: Վստահ եմ, որ ռուսական օդանավը խփվել է Սիրիայի տարածքում: «Առաջին լրատվական»-ի հետ զրույցում իր կարծիքը հայտնեց Սորբոնի համալսարանի քաղաքագիտության դոկտոր Հայկ Մարտիրոսյանը:
«Իմ վստահությունը հիմնված է նաև այն հանգամանքի վրա, որ Ռուսաստանի ռազմական օպերացիան վարում են նաև Ռուսաստանի տիեզերական ուժերը, և ռուսական ինքնաթիռը տեխնիկապես չէր կարող անցնել Թուրքիայի սահմանը,-նշեց մեր զրուցակիցը: Նա նաև հավելեց, որ սա սադրանք է. «Սրանով Թուրքիան Ռուսաստանին հստակ հաղորդագրություն է ուղարկում, որ ինքը դեմ է այդ օպերացիային՝ հատկապես իր սահմանամերձ գոտում»:
Հայկ Մարտիրոսյանի կարծիքով՝ հնարավոր է, որ Ռուսաստանը որոշակի ռազմական գործողություններ իրականացնի արդեն Գյումրիի բազայից, բացառված չէ, որ օդային մանևրներ կատարեն և Թուրքիային ուժ ցուցադրեն: Լարվածություն և հարաբերությունների վերանայում տեղի կունենա:
Մանրամասները՝ տեսանյութում: