«Ազատամարտիկների դաշինք»-ը հայտարարել է, որ այսուհետ մասնակցելու է սահմանադրական փոփոխությունների դեմ ընթացող հրապարակային գործողություններին:
«Ես և իմ մարտական ընկերները միշտ էլ փաստել ենք, որ դեմ ենք սահամանդրական փոփոխությունների առաջարկվող փաթեթին, որը, ըստ էության, նոր սահմանադրություն է:Մենք ուզում էինք, որ խմորը հասնի, նոր հայտարարենք: «Առաջին լրատվական»-ի հետ զրույցում նշեց ազատամարտիկ Սմբատ Հակոբյանը և հավելեց. «Բոլոր տեղերում, որտեղ որ հայերը հավաքված են, որտեղ ժողովուրդն է, և որտեղ նրան մտահոգող պահանջներ են դրված, մենք նրա կողքին ենք»:
Սմբատ Հակոբյանի հավաստմամբ՝ «Ազատամարտիկների դաշինք»-ը որևէ մի խմբավորման միանալու միտում չունի. «Համագործակցելու ենք բոլոր այն ուժերի հետ, ովքեր գործում են ի շահ հայ ժողովրդի և պայաքարելու ենք բոլոր նրանց դեմ, ովքեր հայ ժողովրդի դեմ են գործում»:
«Սահմանադրական փոփոխությունների արդյունքում մենք կունենանք անդեմ մի հասարակարգ, որտեղ ով ինչ ուզում, անում է, մարդկանց հոծ ամբոխ, որը ժխտում է թե՛ հոգևոր արժեքները, թե՛ բարոյական արժեքները,- նշեց մեր զրուցակիցը և մտահոգություն հայտնեց նաև այն հարցի շուրջ, որ Եվրոպան է մեզ այս սահմանադրությունը պարտադրում, իսկ դիտորդները եվրոպացիներ են:
«Ժողովուրդը համբերատար սպասում է, որ պիտի գա մեկը՝ Դանկոյի պես սիրտը ջահ դարձրած և իրեն առաջնորդի,- նշեց ազատամարտիկը,- ցավոք սրտի, մենք հատկապես այս վերջին տարիներին չենք ունեցել այդպիսի մեկին»:
