Աժ արտահերթ նիստում այսօր շարունակվում է քննարկվել ԱՎԾ պետ Ստեփան Մնացականյանի կողմից ներկայացված «Հայաստանի Հանրապետության 2006-2008 թվականների պետական վիճակագրական աշխատանքների եռամյա ծրագիրը հաստատելու մասին» նախագիծը:
ԲՀԿ խմբակցության ղեկավար Նաիրա Զոհրաբյանն իր ելույթում նշեց, որ այս օրերին հասկացավ՝ աղքատությունը հարաբերական հասկացողություն է. «Եթե աղքատությունը չափում ենք այս օրերին Վաշինգթոնից ժամանած մեր հյուրերի ներկայացրած գործիքով, ապա Հայաստանում աղքատ բնակչություն չկա, մենք բոլորս հարուստ ենք։ Եթե չափում ենք մեկ այլ գործիքով, ապա պարզվում է, որ ՀՀ բնակչության իննսուն տոկոսն աղքատ է:
Իհարկե, էյնշտեյնի հարաբերական տեսությունը ոչ մեկ կասկածի տակ չի առել, սակայն ես կարծում եմ, որ աղքատությունը, արտագաղթը, գործազրկությունը պետք է չափել մեկ գործիքով՝ հայաստանյան առկա իրականության գործիքով: Եթե մենք այդ գործիքով ենք անդրադառնում էյնշտեյնի հարաբերականության տեսությանը, հասկանում ենք, որ շատ զարմանալի է, երբ բնակչության կենսամակարդակը գնալով վատանում է, իսկ աղքատության ցուցիչը անցած տարվա համեմատ, չգիտես ինչու, բարելավվում է:
Կա ռեալ իրականություն, որը պետք է հաշվի առնել, իսկ դա այն է, ինչ մենք տեսնում ենք: Ես շատ կցանկանայի, որ բացի գիտական վերլուծություններից, տնային տնտեսությունների օրագրերը հաշվառվելուց, այս ամբիոնից տրվեին հստակ պատասխաններ, թե ինչու են գործազրկությունը, աղքատությունը մեծանում և ինչ պետք է անել՝ այս ամենը կանխելու համար»:
Մանրամասները՝ տեսանյութում:
