Արդեն մի քանի շաբաթ է` Հայաստանում մեկնարկել է սահմանադրական բարեփոխումներին ԱՅՈ և ՈՉ ասող ուժերի քարոզարշավը։ Մասնագետների դիտարկմամբ՝ որոշ վերապահումներով, ԱՅՈ-ի քարոզարշավային տեխնոլոգիաներն առավել գրավիչ և տարածված են այսօր։
«Հայկական Փի Ար ասոցիացիա» գիտատեղեկատվական ՀԿ նախագահ Աստղիկ Ավետիսյանի խոսքերով՝ ԱՅՈ-ն այսօր ավելի ուժեղ հարթակում է գտնվում, քան ՈՉ-ը։ ՈՉ-ի հոլովակներն ավելի թույլ ազդեցություն ունեն, քան ԱՅՈ-ինը, սակայն ՈՉ-ի պաստառներն են ավելի ազդեցիկ։
Ըստ սոցիոլոգ Կարեն Սարգսյանի՝ տեխնոլոգիական տեսանկյունից ԱՅՈ-ն ավելի լավ քարոզչություն է անում, որովհետև ավելի շատ գումար է ծախսում։ Սակայն այստեղ ևս կան որոշակի վերապահումներ։ Նրա խոսքերով՝ այս հանրաքավեն կկարողանան անցկացնել մարզերում, իսկ Երևանում և խոշոր քաղաքներում «ոչ» են ասելու։