Էկոնոմիկայի փոխնախարար Էմիլ Տարասյանը ԱԺ արտահերթ նիստում երկրորդ ընթերցմամբ ներկայացրեց «Սահմանամերձ գյուղական համայնքներում իրականացվող գործունեությունը հարկերից ազատելու մասին» Հայաստանի Հանրապետության օրենքում փոփոխություններ և լրացումներ կատարելու մասին նախագիծը:
ԱԺ ՕԵԿ խմբակցության պատգամավոր Հովհաննես Մարգարյանը ներկայացրել էր առաջարկ՝ նշելով , որ անհրաժեշտ է սահմանել նորմ, ըստ որի՝ եթե բազմաբնակավայր համայնքի կազմում ընդգրկվում է համայնք, որտեղ, ըստ նշված օրենքի, գործում են հարկային արտոնություններ, դրանք տարածվեն նաև նոր, խոշորացված համայնքների վրա: Էմիլ Տարասյանը նշեց, որ այս առաջարկն ընդունվել է ի գիտություն, և հնարավոր է նաև միավորվելուց հետո համայնքները անվանափոխվեն: