Այսօր վերաքննիչ քրեական դատարանում չհրապարակվեց 2013-ին Սուրիկ Խաչատրյանի առանձնատան դիմաց տեղի ունեցած կրակոցների գործով ամբաստանյալ Արտակ Բուդաղյանի մասով բողոքի վերաբերյալ որոշումը դատարանի կազմից դատավորներից մեկի հիվանդ լինելու պատճառով։ Եվ քանի որ դատարանը ծանրաբեռնվածության պատճառով չէր կարող երկար ժամանակ մնալ խորհրդակցական սենյակում, վերսկսեց գործով քննությունը։
Արտակ Բուդաղյանի պաշտպան Հայկ Ալումյանը լրագրողների հետ զրույցում նշեց, որ միտում չի տեսնում դատարանի գործողություններում և ոչ էլ, իր կարծիքով, արհեստականորեն ձգձգվում է դատավարությունը։
Ինչ վերաբերում է դատարանի որոշմանը, ապա Ալումյանն ասաց, որ ինքը ցանկացած որոշում էլ սպասում է, սակայն հիմա էլ պնդում է, որ առաջին ատյանի դատարանը պետք է արդարացման դատավճիռ կայացներ։ «Այս հարցում երկու կարծիք լինել չէր կարող, և ես իմ այդ կարծիքը հստակ ձևակերպել եմ վերաքննիչ դատարանում»,- ասաց փաստաբանը։
Առավել մանրամասն՝ տեսանյութում:
