Լեհաստանում ընթացող Եվրոպայի երիտասարդական առաջնությունում 52 կգ քաշային Վահե Բադալյանը և 60 կգ քաշային Սպարտակ Թամարյանը հաղթեցին իրենց մեկնարկային մենամարտերում և դուրս եկան հաջորդ փուլ, տեղեկացնում է Հայաստանի բռնցքամարտի ֆեդերացիայի ֆեյսբուքյան էջը:
Վահեն 1/8 եզրափակիչում 3:0 հաշվով հաղթեց Խորվաթիան ներկայացնող Իվան Պրսկալոյին, իսկ Սպարտակը 1/16-րդ փուլում 3:0 հաշվով առավելության հասավ ռումինացի Շիոպու Նիկոլա Ֆլորինի նկատմամբ: Այսօր ռինգ դուրս եկած Հայաստանի պատվիրակներից մյուսը` 64 կգ քաշային Գառնիկ Պապիկյանը 3:0 հաշվով պարտվեց Վրաստանը ներկայացնող Էշերխան Մադիեվին:
Վաղը ռինգ դուրս կգան 56 կգ քաշային Հրայր Շահվերդյանը և 91 կգ քաշային Դավիթ Չալոյանը: Մեր 2 մարզիկներն էլ պայքարը կսկսեն 1/8-րդ եզրափակիչ փուլից: