Շվեյցարացի թենիսիստ Ռոջեր Ֆեդերերն իր մարզական կարիերայում 10-րդ անգամ դուրս է եկել ATP-ի ամփոփիչ մրցաշարի եզրափակիչ, որում հաղթողի տիտղոսի համար պայքարելու է սերբ թենիսիստ, աշխարհի 1-ին համար Նովակ Ջոկովիչի հետ:
«Ջոկովիչն ընդհանրապես պետք է դուրս մնացած լիներ այս առաջնությունից. սա իհարկե կատակ է: Խմբային փուլերով մրցաշարեր անցկացնելը լավ տարբերակ է:
Նովակը ֆանտաստիկ մրցաշրջան է անցկացնում: Հրաշալի հանդիպում անցկացրեց Ռաֆայի հետ: Ես հասկանում եմ, որ բարդ եզրափակիչ է սպասվում, սակայն ամեն ինչ անելու եմ, ամբողջ ուժերս ներդնելու եմ այս խաղին. չէ՞ որ սա մրցաշրջանի վերջին հանդիպումն է:
Կարծում եմ՝ փոքրիկ առավելություն ունեմ, քանի որ այս շաբաթ արդեն կարողացել եմ մեկ անգամ հաղթել նրան: Խմբային փուլում մեր վերջին հանդիպումից հետո Նովակն այստեղ հրաշալի ելույթ ունեցավ»,- հայտարարել է Մեծ սաղավարտի մրցաշարերում 17 անգամ հաղթող ճանաչված Ռոջեր ֆեդերերը:
