«Մենք ընտրեցինք ԵՏՄ-ն սկզբում պատնեշվեցինք աշխարհից ընդհանուր մաքսային դրույթներ սահմանելու միջովով՝ մաքսային միությամբ: ԵՏՄ-ին անդամակցելով՝ մենք մեզ զրկեցինք այլընտրանքային զարգացման հնարավորությունից,- «Առաջին լրատվական»-ի հետ զրույցում նշեց տնտեսագետ Աշոտ Եղիազարյանը:
Ա. Եղիազարյանի խոսքով՝ ԵՏՄ-ն, որպես տնտեսական միություն, կայացած չէ, Մոսկվան ունի ամբիցիաներ, ցույց տալու, որ ինքն ուժի կենտրոն է, ինքն առանձին քաղաքակրթություն ունի, ժամանակակից աշխարհում առանձին քաղաքակրթություն լինելու համար շատ մեծ ներուժ է պետք, Ռուսաստանն այդպիսի հնարավորություն չունի:
Տնտեսագետի դիտարկմամբ՝ Ռուսաստանը, որպեսզի Հայաստանին պահի իր աշխարհաքաղաքական ազդեցության տակ, ձեռք է բերել մեր հիմնական ենթակառուցվածքները, Հայաստանի կախվածությունը Ռուսաստանից դրսևորվել է նաև մասնավոր տրանսֆերտների փոխանցմամբ: Մեզ համար ի սկզբանե արգելված է եղել հարաբերությունների զարգացումը:
«Մենք կարող էինք Ասոցացման համաձայնագրով դառնալ եվրոպական քաղաքակրթության մաս, ինտեգրվել այդ համակարգին՝ ստանձնելով նոր խաղի կանոններ և բոլոր ասպեկտներով փոխել մեր հասարակությունը, մեր պետությունը»,- ընդգծեց Աշոտ Եղիազարյանը: