Ադրբեջանական Salam News գործակալության փոխանցմամբ, Ադրբեջանի նախագահ Իլհամ Ալիևն այս տարվա աշնանը պաշտոնական այց է կատարելու Ղազախստան: Ներկայումս ընթանում են այդ այցի նախապատրաստական աշխատանքները և ճշտվում է այցի կոնկրետ ժամկետը:
Ամենայն հավանականությամբ, դա տեղի կունենա հոկտեմբերին: Այցի ժամանակ կողմերը քննարկելու են երկկողմանի հարաբերությունների զարգացման խնդիրները:
Հիշեցնենք, որ Ադրբեջանի ու Ղազախստանի միջև դիվանագիտական հարաբերություններ են հաստատվել 1992 թվականի օգոստոսի 27-ից, իսկ Բաքվում Ղազախստանի դեսպանատունը գործում է 1994 թվականի դեկտեմբերի 16-ից: