«Առաջին լրատվական»-ը ներկայացնում է «Բողոք երկրի սրտից» հաղորդաշարի հերթական թողարկումը: Երկրի սրտում՝ Հանրապետության հրապարակում, իրենց բողոքն են ներկայացնում Երևանի բնակիչներ Արեգնազ Պողոսյանը, Սվետլանա Հովհաննիսյանը և Ջուլիետա Հարությունյանը:
Նրանք պնդում են, որ դարձել են Շենգավիթի բնակիչ Օֆելյա Սահակյանի խաբեության զոհը, ով լրագրող է ներկայացել: 2011 թվականին տոկոսով գումար են վերցրել, այնուհետև վերադարձրել են այն, բայց վերադարձնելուց հետո Օֆելյա Սահակյանը պարտավորագրերը պահել է իր մոտ և հայտարարել է, որ գումարը չեն վերադարձրել, ապա դիմել է դատարան:
Նրանց ներկայացմամբ՝ Օֆելյա Սահակյանը իրավապահ համակարգում տանիք է ունցել և իրեն ապահով զգալով՝ գործել է ապօրինություններ, հավաքել է խումբ, և երբ դատարանում մասնակիորեն բացահայտվել է նրա ապօրինի գործունեությունը, շատ մեղմ պատիժ է կրել տուգանքի տեսքով:
Այդքանից հետո, երբ փորձաքննությունը պարզել է կատարված կեղծիքը, քանի որ պարտավորագրերում եղել են ջնջված կամ ավելացված թվեր ու տողեր, քաղաքացիական դատարանը անհասկանալի հիմքերով առաջ է տարել վաշխառուի շահերը. իբր ապացուցված չէ, որ գումարը վերադարձված է, այնինչ օրենքով դատարանը որոշումները կայացնում է գործի փաստերի և ներքին համոզման համադրմամբ: Այս դեպքում ո՞րն է Վերաքննիչ դատարանի ներքին համոզումը և որո՞նք են համադրված փաստերը՝ հասկանալի չէ:
Մանրամասները՝ տեսանյութում