Նավթի հումքի գները կարող են կտրուկ իջնել նավթավերամշակողների կողմից պահանջարկի անկման պատճառով՝ կարծում են Goldman Sachs-ի վերլուծաբանները։ Նավթի գների կտրուկ անկման կարող է հանգեցնել նավթամթերքի պահեստներում տեղի սղությունը։
Ինչպես գրում է New York Times-ը՝ հղում անելով Goldman Sachs-ի վերլուծաբաններին, ԱՄՆ-ի և Եվրոպայի նավթամթերքի պաշարները և նավթի հումքի վերամշակման ծավալները ներկայումս մոտ են պատմական առավելագույնին, մինչդեռ պահեստներում քիչ տեղ է մնացել։ Իրավիճակը բարդացնում են նավթամթերքների (հատկապես բենզինի) պահանջակի աճի համեստ տեմպերը և Արևելքից դրանց մատակարարումների մեծացումը։
«Տեղի ունեցողը հիշեցնում է 1998 և 2009 թվականների իրադարձությունները, երբ նավթամթերքի պահեստները գերբեռնվեցին, և հում նավթի գները կտրուկ ընկան»,- նախազգուշացնում են Goldman Sachs-ի փորձագետները։
Ներդրումային բանկի հաշվետվությունում նաև ընդգծվում է, որ նավթի համաշխարհային արդյունաբերության ծավալները ներկայումս էականորեն գերազանցում են համաշխարհային պահանջարկին և հազիվ թե հավասարաշռության գան նաև 2016 թվականին։
2015-ի մարտին Wall Street Journal պարբերականը հայտնել էր, որ նավթի արդունահանման ծավալի գերազանցումը «սև ոսկու» սպառմանը հղի է գների կտրուկ անկմամբ, որոնք այդ ժամանակ քիչ թե շատ կայունացել էին մեկ բարելի դիմաց 60 դոլարի մակարդակում։ Որպես պատճառ նշվել էր նավթապահեստարաններում տեղի դեֆիցիտը։ Պարբերականի փորձագետներն այն ժամանակ նախազգուշացրել էին, որ ԱՄՆ-ում հում նավթի պաշարները հասել են վերջին 80 տարում ամենաբարձր մակարդակին, ինչի արդունքում նավթապահեստները լցվել էին մոտ 70 տոկոսով։ Այլ երկրների պահեստարաններում, ըստ WSJ-ի, ավելի քիչ տեղ էր մնացել. Ճապոնիայում՝ 20 տոկոսից ոչ ավելի, իսկ եվրոպական երկրներում ՝ լավագույն դեպքում 10 տոկոս։
WSJ-ի կանխատեսումը իրականություն դարձավ. ամռան վերջին Brent տեսակի նավթի մեկ բարելի գինը իջավ 50 դոլարից ներքև՝ հասնելով նվազագույն նշագծի՝ 42.23 դոլար։ Այսօր ICE բորսայում դեկտեմբերի մատակարարման Brent նավթի ֆյուչերսների արժեքը տատանվել է 48 դոլարի մակարդակի վրա։
Ավելի վաղ Bank of America Merrill Lynch-ի փորձագետները կանխատեսել էին, որ պահեստարաններում տեղի դեֆիցիտի պատճառով Brent նավթի գինն արդեն 2015-ի մարտի վերջին կընկնի՝ հասնելով 31 դոլարի, սակայն նման բան դեռևս տեղի չի ունեցել։
Հոկտեմբերի 23-ին Ռուսաստանի ԿԲ նախագահի առաջին տեղակալ Դմիտրի Տուլինը հայտարարել էր, որ Ռուսաստանի բանկը երկրի տնտեսությունում իրավիճակի զարգացման հոռետեսական սցենարում ներառել է նավթի գների «շատ ցածր»՝ 40 դոլարի հասնելու հնարավորությունը։
Ավելի վաղ Ռուսաստանի ԿԲ-ն հայտնել էր, որ ռիսկային սցենարը նախատեսում է 2016-18 թթ. նավթի գնի պահպանում 40 դոլարից ցածր մակարդակի վրա։