Արժույթի միջազգային հիմնադրամը պատրաստ է չինական յուանը ներառել պահուստային արժույթների իր զամբյուղ, որի հիման վրա հիմնադրամը ձևավորում է իր հաշվի սեփական միավորը։ Այս մասին հայտնում է Reuters գործակալությունը։
Նշվում է, որ ԱՄՀ մասնագետների զեկույցում, որը պարունակում է խորհուրդներ կազմակերպության տնօրենների խորհրդի համար, արվել է դրական եզրակացություն յուանը զամբյուղում ներառելու վերաբերյալ։
Որոշումը կկայացնի տնօրենների խորհուրդը։ Տեխնիկական մասով ամեն ինչ ընթանում է ըստ ծրագրի, չկան նաև որևէ ակնհայտ քաղաքական խոչընդոտներ։
Այնուհանդերձ, ամերիկյան կողմը, որն ԱՄՀ-ում ունի ձայների արգելափակող փաթեթ, թերահավատորեն է վերաբերվում այդ նախաձեռնությանը։ Տնօրենների խորհրդի կողմից զեկույցին աջակցելու դեպքում (ժողովը տեղի կունենա նոյեմբերին) յուանը կարող է զամբյուղում հայտնվել 1 տարուց՝ 2016 թվականի հոկտեմբերին։
ԱՄՀ-ն վերանայում է զամբյուղում արժույթների կշիռը յուրաքանչյուր 5 տարին մեկ։