Lenovo ThinkPad պլանշետը վաճառքում կհայտնվի 2011 թ. ամռանը: ThinkPad-ը աշխատելու է OC Google Android 3.0 Honeycomb օպերացիոն համակարգով, Lenovo միջերեսով և Nvidia Tegra 2 երկմիջուկ պրոցեսորով: Պլանշետը կունենա 10,1 դյույմանոց սենսորային էկրան` 1280*800 պիկսել հնարավորությամբ:
Այն ստեղծված է բիզնես-հաճախորդների համար: Լրացուցիչ աքսեսուարներից են ստեղնաշարով դոք-կայանը: Այն կունենա նաև USB 2.0, Micro-USB, Mini-HDMI պորտերը և SD քարտի հնարավորություն: Այն նաև կունենա Wi-Fi-ի հնարավորություն և 3G բջջային կապ:
Lenovo-ն կթողարկվի մոդելային մի քանի շարքով` ThinkPad 16, 32 և 64 մեգաբայթ ներքին հիշողությամբ: Ամենափոքր հիշողություն ունեցող սարքը կվաճառվի 499 դոլարով, միևնույն ժամանակ մնացյալների գինը դեռ չի ճշտվում: Տեղի ունեցած ցուցադրության ժամանակ հայտնի է դարձել, որ այն վաճառքի կհանվի 2011 թ. հուլիսին:
Որոշ աղբյուրները հայտնում են, որ այս մոդելի թողարկումն ավելի շուտ էր նախատեսված, սակայն հետագայում Lenovo-ն հետաձգեց նրա թողարկումը:
ThinkPad բրենդն ավելի վաղ պատկանել է IBM-ին, որը թողարկում էր նույնանուն նոութբուքներ: 2005 թ. չինական Lenovo ընկերությունը IBM-ից ամբողջությամբ գնել է համակագիչների արտադրության բիզնեսը, որից հետո արդեն շարունակել է ինքնուրույն արտադրել համակարգիչներ այս բրենդի ներքո: