Թուրքիան ԱՄՆ-ին և Ռուսաստանին նախազգուշացրել է, որ թույլ չի տա Քրդական ընդդիմության ուժային թևին (PYD) Սիրիայի հյուսիս-արևմուտքում` իր սահմանի մոտ, տարածքներ գրավելու, հայտնում է Eurointegration.com-ը՝ հղում կատարելով Reuters-ին:
Թուրքիան զգուշանում է քուրդ զինյալների հավակնությունների աճից, որոնք հենվելով քրդական քաղաքական թևի վրա` համեմատաբար ընդլայնել են իրենց հարավարևելյան տարածքները: Վաշինգտոնը աջակցել է քուրդ զինյալներին` որպես ԴԱԻՇ-ի դեմ պայքարող արդյունավետ ուժի:
«Վերջին ժամանակներս քրդերը ավելի են մոտենում ԱՄՆ-ին և Ռուսաստանին: Մենք նրանց համարում ենք ահաբեկչական խումբ և ուզում ենք, որ բոլոր երկրները դիտարկեն իրենց համագործակցության հետևանքները»,- ասել է թուրք պաշտոնյաներից մեկը:
Թուրքիան կասկածում է, որ Ռուսաստանը, որը երկու շաբաթ առաջ Սիրիայում սկսել է օդային հարվածները, նույնպես աջակցում է քրդերին: «Ռուսաստանի աջակցությամբ PYD-ը փորձում է Եփրատից արևմուտք տարածքներ գրավել: Մենք դա երբեք չենք ընդունի»,- ասել է պաշտոնյան:
Նրա խոսքով` Թուրքիան այդ հարցը բարձրացրել է ԱՄՆ-ի, ԵՄ-ի և Ռուսաստանի հետ բարձր մակարդակի ժողովներում:
