Իրանական Fars լրատվական գործակալության փոխանցմամբ՝ Իրանի Իսլամական հեղափոխության պահակազորը պատրաստ է կամիկաձեների մասնակցությամբ հարձակումներ իրականացնել Պարսից ծոցում գտնվող ամերիկյան ռազմանավերի վրա։ Այդ մասին հայտարարել է Իսլամական հեղափոխության կորպուսի հրամանատարի տեղակալ, գեներալ-մայոր Ալիռեզա Տանգսիրին. «Կան շատ մարդիկ, որոնք պատրաստ են պայթեցնել իրենց, որպեսզի ոչնչացվեն ամերիկյան ռազմանավերը։ Իսլամական հեղափոխության պահակազորը երկրի հարավային ափերին ունի նավաշինարաններ, որոնք ունակ են թաքցնել ռազմանավերը, հրթիռներն ու հրթիռային արձակման սարքերը»։
