Հոլիվուդյան դերասան Լեոնարդո Դի Կապրիոն իր ընկերուհուն՝ մոդել Քելլի Ռորբախին, որը նորաձևության աշխարհում հայտնի է որպես Նոգի, ծանոթացրել է իր ընտանիքի և ընկերների հետ: The Daily Mail-ը գրում է, որ համատեղ ճաշը զույգի նշանադրության մասին շշուկների ճշմարտացիության ևս մեկ ապացույց է:
Պարբերականը հայտնում է, որ 40-ամյա Դի Կապրիոն և 25-ամյա Ռորբախը հյուր են գնացել դերասանի ծնողներին, որոնք Լոս Անջելեսում են ապրում: Հետո բոլորը միասին գնացել են ճաշելու Դի Կապրիոյի սիրելի Yuca’s ռեստորան: Նրանց միացել է Լուկաս Հաասը՝ դերասանի լավագույն ընկերն ու գործընկերը:
Հոկտեմբերի սկզբին հաղորդվում էր Դի Կապրիոյի և Ռորբախի նշանադրության մասին, սակայն զույգը մինչ օրս պաշտոնապես չի հաստատել այդ տեղեկությունը:
Դերասանի և մոդելի սիրավեպի մասին հայտնի դարձավ այս տարվա հուլիսին:
