Գերմանական Volkswagen ավտոկոնցեռնը մտադիր է 1 մլրդ եվրոյով կրճատել ավելի վաղ ծրագրված ամենամյա ներդրումները բիզնեսի զարգացման մեջ՝ կապված բնապահպանական թեստերի արդյունքներին առնչվող սկանդալի հետևանքների վերացման ծախսերի հետ։ Այս մասին ասվում է ընկերության մամլո հաղորդագրությունում։
Հաղորդագրությունում նշվում է, որ Volkswagen-ի ղեկավարությունը որոշել է վերանայել դիզելային շարժիչներով մեքենաների վաճառքի ռազմավարությունը և արագացնել տնտեսման ծրագրի իրականացումը։
Սեպտեմբերին Volkswagen-ը դադարեցրել էր դիզելային շարժիչներով մեքենաների իրացումն ԱՄՆ-ում՝ կապված սկանդալի հետ։ Ավտոարտադրողին բռնացրել էին այդ մեքենաների վրա ծրագրային ապահովման տեղադրման մեջ, որը թույլ է տալիս նվազեցնել թեստերի ժամանակ վնասակար արտանետումների ցուցանիշները։