«Քաղաքացիական պայմանագիր» կուսակցության վարչության անդամ Ալեն Սիմոնյանը «Առաջին լրատվական»-ի հետ զրույցում նշեց, որ իրենք սահմանադրական փոփոխությունները չեն համարում երկրի համար թիվ մեկ թեմա: Նրա խոսքով՝ դա Սերժ Սարգսյանի կողմից առաջ բերված օրակարգ է, որի մեջ մտնելը սխալ է. «Որովհետև որևէ մեկը չի կարող փաստել, որ սահմանադրական փոփոխությունները եթե չանցնեն, Սերժ Սարգսյանը չի վերարտադրվի»:
Ինչ վերաբերում է «Նոր Հայաստան» միասնական ճակատին անդամակցելուն, որի նպատակը արտահերթ խորհրդարանական և նախագահական ընտրություններն են, Ալեն Սիմոնյանն ասաց. «Դա մեր կուսակցությունը չի համարում ընդդիմադիր կուսակցություն, իսկ մենք ընդդիմադիր կուսակցություն ենք: Բացի այդ, երբ «Նոր Հայաստան»-ի կողմից լինի առաջարկ, թե ինչ տեղի կունենա իշխանափոխությունից 24 ժամ առաջ և 24 ժամ հետո, այդ ժամանակ մենք կքննարկենք և կմասնակցենք:
Մենք մարդկանց անիմաստ տեղը չենք հանելու փողոց կամ մասնակից դառնալու մի գործընթացի, որի որոշումները, լուծումները գաղտնի են պահվելու և իմանալու են մեկ-երկու ընտրյալ»: