Տեղեկատվական տեխնոլոգիաների «ԱրմԹեք» համաժողովի կազմակերպիչներից «Ձեռնարկությունների ինկուբատոր» հիմնադրամի տնօրեն Բագրատ Ենգիբարյանը այսօր մեզ հետ զրույցում, անդրադառնալով Հայաստանից ծրագրավորողների արտագաղթին, վստահեցրեց, թե «ծրագրավորողների արտագաղթ կա և՛ Գերմանիայից, և՛ Ֆրանսիայից»։ «Պետք է հասկանանք՝ ծրագրավորողները ինչի համար են մեկնում Հայաստանից։ Չկա ծրագրավորող, որը գնում է բախտ որոնելու։ Հակառակը՝ մենք շատ լուրջ ներգաղթ ունենք դրսից։ Ծրագրավորողները գնում են միայն մեկ նպատակով, դա զարգացման այլ նպատակի համար է, որը դառնում է առավելություն Հայաստանում։ Դա ուղեղների ատահոսքն օգտագործելն է ուղեղների ներհոսքի համար։ Որովհետև եթե մենք չունենայիք 80 հոգանոց բանակը «Մայքրոսոֆթ»-ի գրասենյակում, մենք չէինք ունենա շատ ծրագրեր Հայաստանում»,- ասաց Ենգիբարյանը՝ հավելելով. «Գիտելիքի նոր աստիճան ստանալու համար է, որը պետք է ստանաս միայն այդ հանգույցներում։ …Իսկ դա պետք է խրախուսել, ոչ թե դրա դեմ պայքարել»։
Մանրամասները՝ տեսանյութում։