Գեյ քահանան, ով անցյալ տարի ամուսնացել է իր զուգընկերոջ հետ, ընտրվել է Անգլիկան եկեղեցու Սինոդի անդամ: Այս մասին հաղորդում է Korrespondent.net-ը:
Լոնդոնի հյուսիսում որպես փոխերեց ծառայող Էնդրյու Քեյնն ասել է, որ այդ որոշումն իրեն հիացրել է:
«Դա հույս է առավել բարի, ողորմած եկեղեցու»,- գրել է նա Twitter-ի իր թջում:
Նրա ընտրությունը տագնապով է ընդունվել ավանդապահների կողմից, որոնք պահանջել են Քեյնին անհապաղ բացառել եկեղեցու ղեկավարությունից:
Պահպանողական Christian Concern խմբի ներկայացուցիչը հայտարարել է, որ ամուսնանալով՝ քահանան խաթարել է եկեղեցու հիմքերը: