Ճապոնիայի կառավարությունը կարող է դադարեցնել Կրթության, գիտության և մշակույթի հարցերով ՄԱԿ-ի կազմակերպության (ՅՈւՆԵՍԿՕ) ֆինանսավորումը՝ ի նշան բողոքի ընդդեմ կազմակերպության որոշման՝ ներառելու 1937 թվականին չինական Նանկին քաղաքում տեղի ունեցած կոտորածի մասին փաստաթղթերը Համաշխարհային ժառանգության ցուցակում։ Այս մասին Տոկիոյիում մամլո ասուլիսի ժամանակ հայտարարել է նախարարների կաբինետի գլխավոր քարտուղար Յոսիհիդե Սուգան՝ փոխանցում է TASS գործակալոթյունը։
«Մենք ուսումնասիրում ենք այդ ցավալի որոշմանն ուղղված արձագանքի բոլոր տարբերակները»,- հայտարարել է նա՝ ի պատասխան հարցի, թե հնարավո՞ր է Ճապոնիան դադարեցնի ՅՈՒՆԵՍԿՕ-ի ֆինանսավորումը։
Ճապոնիան այդ կազմակերպության ֆինանսավորման ծավալով երկրորդ տեղում է։ Այն ֆինանսավորում է ՅՈՒՆԵՍԿՕ-ի բյուջեի ավելի քան 10.8 տոկոսը։