Արդեն վաղուց շշուկներ են պտտվում, որ անձնական համակարգիչների շուկան կորցնում է դիրքերը՝ փոխանցում է Supreme2.ru պարբերականը։
Այս տարի անձնական համակարգիչների վաճառքն ընկել է 10.8 տոկոսով, սակայն Apple-ի համակարգչների մասնաբաժինը 6.9 տոկոսով աճել է՝ հասնելով 7.5 տոկոսի։
Անձնական համակարգիչների վաճառքի անկումը շարունակվում է։
Վերլուծաբանները նշում են, որ հուլիսից սեպտեմբեր ընկած ժամանակահատվածում ցուցանիշները նվազել են 10.8 տոկոսով։ Նույնիսկ խոշոր կորպորացիաները կրճատել են անձնական համակարգիչների թողարկումը՝ նախապատվությունը տալով սմարթֆոններին ու պլանշետներին։ Նրանք համակարգիչների և նոթբուքերի թողարկումը միջինը կրճատել են 4.5 տոկոսով։
Վերլուծաբանները հույս ունեն, որ հաջորդող տարիներին իրավիճակը շուկայում կկայունանա՝ ի հաշիվ համակարգիչների օգտատիրական հնարավորությունների բարելավման։
Այսօր համակարգիչների ամենախոշոր արտադրող է համարվում Lenovo ընկերությունը։ Ընթացիկ տարվա 3-րդ եռամսյակում Lenovo-ն վաճառքի է հանել 14.9 մլն համակարգիչ, ինչը 4.9 տոկոսով քիչ է անցած տարվա համեմատ։ Երկրորդ տեղում է HP-ն, որը կրճատել է անձնական համակարգիչների թողարկումը 5.5 տոկոսով։ Երրորդ տեղում Dell-ն է, որը թողարկումը կրճատել է 2.9 տոկոսով։ 4-րդ և 5-րդ տեղերում են Apple-ն ու Acer-ը։