«Եվրո-2016»-ի ընտրական մրցաշարի Ալբանիայի ընտրանու դեմ խաղից առաջ Հայաստանի ազգային հավաքականի գլխավոր մարզչի պաշտոնակատար Սարգիս Հովսեփյանը մասնակցել է մամուլիսի ասուլիսին:
«Կարևորն այն է, որ կարողանանք լավ խաղալ: Խնդիրներ չունենք լուծելու: Իհարկե, հնարավոր չէ հաստատ ասել, որ այս կամ այն թիմը վաղը կհաղթի: Սակայն ջանք չենք խնայելու հաղթանակի համար: Ինչ վերաբերում է ընկերական հանդիպումներին, ապա թիմում այնպիսի ֆուտբոլիստներ ունենք, ովքեր ընդգրկված են, բայց չեն խաղում: Մենք չգիտենք, թե ինչ կարող են նրանք ցուցադրել միջազգային հանդիպումներում: Ընկերական խաղերը հենց դրա համար են: Մարզչի համար շատ կարևոր է տեսնել իր ֆուտբոլիստին խաղադաշտում: Պետք է հասկանալ,արդյոք անհարժե՞շտ է նրան հրավիրել հավաքական, թե՝ ոչ:
Ֆրանսիայի դեմ խաղում Մխիթարյանի դիրքի փոփոխությունը դրական եղավ, քանի որ գրեթե բոլոր գրոհները նրա մասնակցությամբ էին:
Եկեք չասենք, որ Ալբանիայի դեմ խաղը պատվի համար է, սա սպորտ է: Սա սպորտ է, և պետք է խուսափենք ամպագորգոռ բառերից: Այն, որ մենք հնարավոր ամեն ինչ անելու ենք մեր մարզադաշտում հաղթելու համար, միանշանակ է:
Եթե հետևել եք Ֆրանսիայի ընտրանու դեմ հանդիպմանը, ապա տեսել եք, որ առաջին խաղակեսում հավասար խաղ եր և մենք կարող էինք գոլ խփել, սակայն ինքներս գնդակ ընդունեցինք:
Վնասվածք ունեցող ֆւտբոլիստներ կան: Թիմի կազմում ունենք խաղացողներ, ովքեր չեն կարող խաղադաշտ դուրս գալ Ալբանիայի դեմ խաղում: Ոմանք էլ վատառողջ են, բայց ամեն ինչ կանենք նրանց խաղադաշտ դուրս բերելու համար»,- նշեց Սարգիս Հովսեփյանը: