«Բարսելոնա»-ի կիսապաշտպան Իվան Ռակիտիչի կարծիքով՝ իր ակումբակիցներ Լիոնել Մեսսին, Լուիս Սուարեսն ու Նեյմարը ֆուտբոլային հրաշագործներ են:
«Մեսսին, Նեյմարն ու Սուարեսը ֆուտբոլային հրաշագործներ են: Եթե ես այդ թիմի անդամ չլինեի, անգամ այդ դեպքում կընդունեի, որ նրանք լավագույններն են:
Մեսսին առաջինն է և այնպիսի ֆուտբոլիստ, ինչպիսին այլևս երբեք չի լինի ֆուտբոլի աշխարհում: Բարդ իրավիճակներում նա ճիշտ է կողմնորոշվում և լուծում խնդիրները: Մեզնից յուրաքանչյուրը կփորձի ավելի շատ ջանքեր ներդնել՝ նրա բացակայությունը լրացնելու համար: Բայց դա, հավանաբար, անհնարին է»,-Vecernji-ը մեջբերում է Ռակիտիչի խոսքերը: