Ադրբեջանական APA լրատվական գործակալության փոխանցմամբ՝ Ռուսաստանի հետ հարաբերությունների կարգավորման հարցերով Վրաստանի վարչապետի հատուկ ներկայացուցիչ Զուրաբ Աբաշիձեն հայտարարել է, որ Ադրբեջանը կմնա Վրաստանի գլխավոր գազամատակարար երկիրը, եթե անգամ մեծացվի գազատարով ռուսական գազի տարանցումը:
«Մենք երկար տարիներ գազ ենք ստանում Ռուսաստանից։ Դա տարանցման մասն է, որը մենք թույլատրում ենք Ռուսաստանից դեպի Հայաստան։ Եթե աճի տարանցման ծավալը, և մենք ավելի շատ գազ ստանանք, ապա ես որևէ վատ բան չեմ տեսնում դրանում։ Ադրբեջանը հանդիսանում և կշարունակի մնալ մեր ռազմավարական գործընկերն այդ պլանում։ Դրանք կոմերցիոն հարցեր են, որոնք քննարկում են էներգետիկայի նախարարությունն ու տնտեսական թիմը»,- ասել է Զուրաբ Աբաշիձեն։
Սրանից առաջ հաղորդվել է, որ Վրաստանի վարչապետ Իրակլի Ղարիբաշվիլին ժամանել է Ադրբեջան։