Բեռլինը և Եվրահանձնաժողովը քննարկում են փախստականների օգտին նոր հարակատեսակի ներդրման հարցը՝ տեղեկացնում է Sudduesche Zeitung թերթը: Լրատվամիջոցը նշում է, որ քննարկումներն առայժմ անցկացվում են ոչ պաշտոնական մակարդակով, սակայն նոր հարկատեսակի անունը արդեն որոշված է՝ փախստականների հետ համերաշխության հարկ:
Ծրագրի համաձայն՝ այդ հարկը կգանձվի նավթի և նավթամթերքի արտադրության և ներկրման համար հարկերի բարձրացման ճանապարհով և անմիջականորեն կմուտքագրվի ԵՄ բյուջե: Նախատեսվում է հավաքված միջոցները ծախսել ներգաղթյալների հոսքը կանգնեցնելու նպատակով՝ բարելավելով կենսապայմանները այն երկրներում, որտեղից գաղթում են մարդիկ, ինչպես նաև ԵՄ ներքին սահմանների պաշտպանությունը ուժեղացնելու նպատակով:
ԳԴՀ ֆինանսների նախարար Վոլֆգանգ Շոյբլեն ոչ ժխտել, ոչ էլ հաստատել է այդ տեղեկությունը, սակայն խոստովանել է, որ Եվրոպային անհրաժեշտ են լրացուցիչ միջոցներ ԵՄ սահմանները ուժեղացնելու համար: