Իրանի ֆինանսների և էկոնոմիկայի նախարար Ալի Թայեբնիան Արժույթի միջազգային հիմնադրամին (ԱՄՀ) և Համաշխարհային բանկին (ՀԲ) կոչ է արել աջակցել երկրի տնտեսության զարգացմանը, հայտնում է TASS-ը: Այդ մասին նա հայտարարել է Պերուի մայրաքաղաք Լիմայում` երկու միջազգային ֆինանսական կառույցների ղեկավարների և երկրների կենտրոնական բանկերի նախագահների ու էկոնոմիկայի նախարարների ամենամյա համատեղ ժողովի բացման արարողության ժամանակ:
Նշելով արտասահմանյան ներդրողների համար Իրանի տնտեսությունում ներդրումներ կատարելու շահավետ կողմերը՝ Թայեբնիան ընդգծել է, որ Իրանը ունի «բնական պաշարներ, ռազմավարական դիրք, որակյալ բանվորական ուժ և ընդարձակ ներքին շուկա, ինչպես նաև համապատասխան ենթակառուցվածք, որոնք երկրին նշանակալի առավելություն են տալիս Մերձավոր Արևելքի մյուս երկրների հետ համեմատած»:
