Հոկտեմբերի 10-ին Անկարայում պայթյունների հետևանքով զոհերի թիվը հասել է 30-ի, հայտնում է Dogan գործակալությունը: Տուժածների ամբողջական թիվն առայժմ հայտնի չէ:
Թուրքական կառավարությունում հայտարարել են, որ տեղի ունեցածը որակվել է որպես ահաբեկչություն:
Երկաթուղային կայարանի մոտ, որտեղ, ինչպես ավելի վաղ հաղորդվել էր, 2 պայթյուն էր որոտացել, «Խաղաղության երթի» են հավաքվել դրա մասնակիցները: Նրանք մտադիր են եղել հանդես գալ երկրի իշխանությունների և քուրդ արմատականների միջև հակամարտության դեմ:
Anadolu գործակալության հաղորդմամբ՝ մարդիկ խուճապի մեջ են, հարձակվում են շտապօգնության մեքենաների և ոստիկանական մեքենաների վրա, մի քանի կրակոց է արձակվել օդ: Դեպքի վայրում աշխատում են իրավապահները, նաև սակրավորներ:
